Қўли шишган бемор тез ёрдам бўлимига ётқизилган. Бундан ташқари, беморнинг терисида кўплаб яралар бор эди.
Маълум бўлишича, дайди мушук одамни тишлаб олган. Эркак қоқшолга қарши эмланди ва унга антибиотиклар берилди, шундан сўнг у шифохонадан чиқди. Бироқ бир кундан кейин у касалхонага қайтди – инфекция чап қўлининг ўрта бармоғига ва ўнг қўлининг кичик бармоғига зарар етказган. Шифокорлар шикастланган тўқималарни жарроҳлик йўли билан олиб ташлашди.
Шифокорлар таҳлилларга асосланиб стрептококка ўхшаш илгари номаълум микроорганизмни аниқлашди. Бактериал геном илгари қайд этилган штаммларнинг ҳеч бирига мос келмади. Бу аввал ҳеч қаерда қайд этилмаган янги микроб бўлиб чиқди.
Олимларнинг таъкидлашича, мушукларнинг тишлаши хавфлидир. Уларнинг узун ўткир тишлари чуқур тўқималарга зарар этказиши мумкин ва сўлакнинг кириб бориши иккиламчи инфекциянинг юқори хавфини келтириб чиқаради. Янги тадқиқот мушуклар ҳали фанга маълум бўлмаган янги одам инфекцияларининг резервуари бўлиши мумкинлигини кўрсатди, деб хабар беради mir24.tv.
