Бугун китоб мутолаасига қаратилаётган улкан эътибор халқнинг тарихи, келажагига қаратилган эътибордир, зеро инсон китоб ўқиш орқали ўзлигини англайди, миллий ғурур туйғуси шаклланади ва унда бугунги глобаллашув шароитида турли зарарли ахборот оқимининг таъсирига қарши иммунитет шаклланади.
Шуни ҳисобга олган ҳолда Божхона институтида “Китобхонлик – буюк келажак кафолати” мавзусида маънавият соати бўлиб ўтди.
Мазкур мавзудаги ўз маърузаси билан курсантларга маънавий озуқа улашиш учун машғулотга “Ўзбекистон адабиёти ва санъати” газетаси бош муҳаррири, Ўзбекистонда хизмат кўрсатган журналист Салим Ашур таклиф этилди.
Журналист китобхонликнинг инсон ҳаётидаги ўрни, унинг маънавиятига кучли таъсири юзасидан ўз мулоҳазаларини айтар экан, бўлажак божхоначиларда мутолаага бўлган иштиёқ яна бир карра ортди, дейиш мумкин. Ўйлаймизки, интстутда бу каби учрашувлар давомли бўлиб, эртамиз эгаларини маънан юксалтиришга хизмат қилади.
Муножат Мўминова
