Клуб эгаси Абрамович ўзига нисбатан санкция эълон қилиниб қолишидан хавотирга тушиб, “Челси”ни 4 миллиард фунтга сотишга қарор қилди. У клубнинг 1,51 миллиард фунт қарзидан воз кечмоқчи.
— Қарзларни қайтаришни талаб қилмайман. Мен учун бу доим бизнес ёки пул эмас, балки клубга ва ўйинга бўлган иштиёқ бўлган”, — деди бизнесмен ўз баёнотида.
Дастлабки хабарларга қараганда, “Челси”ни АҚШда яшовчи щвейцариялик миллиардер Хансйорг Висс сотиб олиши мумкин. Forbes берган маълумотга қараганда, унинг бойлиги 5,1 миллиард долларга тенг. Висс шундай таклиф келиб тушганини, лекин сотиб олиш масаласини ўйлаб кўришини билдириди.
