Унда ҳар бир вазирлик, идора, давлат компаниялари ва йирик хусусий корхоналарда чет тилларини ўрганишни оммалаштиришимиз зарурлиги таъкидланди.
Энди ташкилотларда ҳафтанинг бир куни “Хорижий тилларни ўзлаштириш ва ўрганиш куни” этиб белгиланади.
Келгуси йилдан бошлаб давлат идораларига ишга қабул қилиш ва янги лавозимга тайинлашда хорижий тилни билишнинг мажбурий талаби киритилади.
– Бу қаттиқ талаб, лекин шунга интилмасак натижа бўлмайди. Энди ҳоким бўлиш учун ҳам хорижий тилларни билиш зарур. Умуман, ташкилот раҳбарими, кластер раҳбарими ҳамма чет тилини билиши керак, – деди Президент.
Шунингдек, йиғилишда чет тилини чуқур эгаллаган ходимларнинг иш ҳақига 20 фоизгача қўшимча устама белгилаш тартиби жорий этилиши ҳақида айтилди.
