Чехия полицияси 11 киши, шу жумладан уч нафар бола ҳалок бўлган ёнғинни текширмоқда. Боҳумин шаҳрида содир бўлган бу ҳодиса мамлакат тарихидаги энг ёмон ёнғин деб таърифланди. Боҳумин Чехия-Полша чегарасида пойтахт Прагадан 300 км шарқда жойлашган. Ёнғиндан қочишга уринган одамлар 11-қаватдаги балкондан сакраб тушиш оқибатида ҳалок бўлган. Ўн киши, шу жумладан икки ўт ўчирувчи ва полиция ходими жароҳатланган.
Моравия-Силезия вилояти губернатори Иво Вондракнинг сўзларига кўра, ёнғин атайлаб уюштирилган. Гувоҳларнинг хабарларига кўра, воқеа жойида бир кишининг қўли кишанланган бўлган. Полиция бу даъволарга изоҳ беришдан бош тортди, аммо улар бир киши ҳибсга олинганини тасдиқлашди.
Ички ишлар вазири Ян Хамасек Чехия радиосига “улкан фожиа” деб атаган ёнғин қўшнилар ўртасидаги узоқ давом этган можаронинг авж нуқтаси бўлганини айтди. Вилоят ёнғин бригадаси бошлиғи Владимир Влcек Чехия телевидениесига айтишича, “Ёнғин жуда тез содир бўлди, бу одатий эмас. Бундай ёнғин одатда битта хонага таъсир қилади, аммо у бутун уйга тарқалди ва барча хоналар ёниб кетди”.
