Унга кўра, носозлик сешанба куни тушдан кейин содир бўлган. Оқибатда республика ҳудудининг 99 фоизи электр энергиясиз қолди. Бундан ташқари, Аргентинанинг икки вилоятида электр таъминоти билан боғлиқ муаммолар кузатилган.
Қайд этилишича, электр энергияси билан боғлиқ муаммолар Сантьягода метро қатновининг тўхтатилишига сабаб бўлган. Чили пойтахти йўлларида светофорнинг ишламаслиги сабабли тирбандлик юзага келди.
Расмийлар ҳодиса сабабларини ўрганмоқда. Ички ишлар вазири Каролина Тоанинг сўзларига кўра, электр таъминотидаги катта узилишга мамлакат шимолидаги электр узатиш тармоғининг носозлиги сабаб бўлган бўлиши мумкин. У, шунингдек, гап миллий энергия тармоғига ҳужум ҳақида бормаётганини таъкидлади, деб хабар беради rg.ru.
