Янги тур 72 миллион йил аввал Чилининг жанубида яшаган ўтхўр динозаврдир. Унинг излари шу кунгача Жанубий яримшарда топилмаган эди.
Турга Gonkoken nanoi деб ном берилди. Бу номнинг биринчи қисми теуэльче халқининг тилида “кумуш ўрдак ёки оққушга ўхшаш” деган маънони англатади. Иккинчи сўз қазишмалар пайтида олимларга ёрдам бериб, бу борада алоҳида жонбозлик кўрсатган инсонга ҳурмат ифодасидир.
Палеонтологларнинг маълумотларига кўра, Gonkoken nanoi динозаврларининг узунлиги 3,5 дан 4 метргача ва оғирлиги 1 тоннагача бўлган.
Мазкур динозаврлар икки оёқда ҳам, тўрт оёқда ҳам бемалол тура олган. Уларнинг ўрдакларни эслатувчи йирик тумшуқлари бўлган, лекин қирралари ўткирроқ экани билан ажралиб турган. Мазкур динозаврлар йирик тишларга ҳам эга бўлган, дейилади tass.ru сайтида.
