Ўзбекистон Республикаси Мудофаасига кўмаклашувчи “Ватанпарвар” ташкилоти Тошкент вилояти кенгаши ҳамда Чирчиқ автомобиль мактаби ҳамкорлигида ташкил этилган мазкур кубок беллашувларида вилоятнинг барча туман ва шаҳарларидан 100 нафар ёш биатлончилар иштирок этди.
Муросасиз ва қизиқарли ўтган беллашувларнинг якуний натижаларига кўра, 1998-2002 йилларда туғилган қизлар ўртасида Б.Суюнова биринчи ўринни, Ш.Маҳмудова иккинчи, Д.Бахтиёрова учинчи ўринни эгаллади. Худди шу ёш тоифасидаги ўғил болалар баҳсида Б.Беков биринчи, Ю.Абдуллаев иккинчи, О.Маматқулов учинчи ўринни қўлга киритди.
2003 йилда туғилган ўғил болалар ўртасидаги мусобақада М.Уркинбаев (1-ўрин), С.Ҳусанов (2-ўрин), Х.Маҳкамов (3-ўрин) кучли учликдан жой олди. 2003 йилда туғилган қизлар орасида С.Тоҳирова биринчи, А.Айидинова иккинчи, И.Тожибаева учинчи ўринни қўлга киритиб, шоҳсупага кўтарилди.
Умумжамоа ҳисобида фахрли биринчи ўринни Бўстонлиқ тумани жамоаси эгаллади. Чирчиқ шаҳри жамоаси иккинчи ва Паркент тумани жамоаси учинчи ўринга сазовор бўлди.
Ғолиб ва совриндорлар ташкилотчилар томонидан диплом, медаль ва эсдалик совғлари билан тақдирланди.
