Форум ўз олдига Ўзбекистон бозорида ўз фаолиятини кенгайтиришдан манфаатдор бўлган хорижий инвесторлар, молия-иқтисодий ташкилотларини жалб этиш мақсадини қўйган эди.
Форум ишида Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлиги масъуллари ҳам иштирок этди. Айни йўналишда фаолият юритувчи хорижий компания вакиллари билан учрашувлар ташкил қилинди. Музокаралар натижасида “CIFAL” (Франция) ва “OBOD TURMUSH ORZUSI” фермер хўжалиги ўртасида 42,0 миллион АҚШ долларига тенг инвестиция лойиҳаларини амалга ошириш бўйича ҳамкорлик келишуви имзоланди.
Шунингдек, “VERON” (Испания) компанияси вакиллари билан учрашув бўлиб ўтди. Мулоқот давомида Ўзбекистонда мевали кўчатлар питомникларини ташкил этиш ҳамда янгидан барпо этилаётган интенсив боғларга сертификатланган кўчатлар етказиб беришга келишиб олинди.
