Яқинда Буюк Британиядан қайтиб келган талабада янги “британча” штамм аниқланди, деб хабар берди мамлакат соғлиқни сақлаш вазирлиги.
Талаба қиз 6-декабрь куни Сингапурга қайтиб келган. Эртаси куни унинг иситмаси кўтарилди, 8 декабр куни у COVID-19га топширган тести мусбат натижа кўрсатганини билди.
Таъкидланишича, Буюк Британияда коронавируснинг янги тури тарқалиши муносабати билан Сингапур Миллий соғлиқни сақлаш лабораторияси яқинда Европадан қайтиб келган, инфекция аниқланганларда COVID-19 геномининг кетма-кетлигини ўрганмоқда.
17-ноябрдан 17-декабргача бўлган даврда Европа мамлакатларидан Сингапурга қайтиб келган жами 31 нафар кишида вирус аниқланган.
