Ўзбекистон ҳудуди бўйича июнь ойи охирида кузатилган аномал иссиқ об-ҳаво давридан сўнг кеча ва бугун иссиқ ҳаво аста-секин пасайиб бормоқда.
Бугун кундузи Республика бўйича ҳаво ҳарорати 35-38° атрофида бўлади.
Дам олиш кунлари иссиқ яна кўтарила бошлайди. якшанба кунига келиб ҳарорат 38-41°гача кўтарилади.
Ушбу кунларда жанубий ҳудудларнинг энг чекка қисмида 43-45°гача бўлган ҳарорат билан жуда иссиқ об-ҳаво сақланиб туради.
Бироқ бу иссиқ узоқ давом этмайди. Кейинги ҳафтанинг бошидан эса республика ҳудудида Волга бўйи ҳудудларидан салқин ҳаво кириб келади. Душанба куни ҳарорат аста-секин пасайишни бошлайди ва ҳафтанинг аксарият қисмида 30-35° атрофида, баъзи жойларда 37-38°гача бўлади.
Республика ҳудудининг катта қисмида бугун ва дам олиш кунлари асосан кам булутли об-ҳаво кузатилади. Қорақалпоғистонда 3 июльда қисқа муддатли ёмғир ёғиши , момақалдироқ бўлиши мумкин.
Баъзи жойларда шамол 15-20 м/с гача кучайиши, баъзи жойларда чанг-тўзонлари кузатилиши мумкин. 3 июльда шимолда ва чўл ҳудудларда шамол 23-28 м/с гача кучайиши мумкин.
1-3 июльда Фарғона вилоятининг тоғолди ва тоғли ҳудудларида сел-сув тошқинлари ҳолатлари кузатилиши мумкин. Бу ҳақида Гидрометеорология хизмати маркази хабар бермоқда.
