Бу қарорга келишига спортчининг “Реал Соседад” таркибида мавсумолди машғулотлари чоғида олган жароҳати сабаб бўлди. Унинг клуб билан 2024 йилгача бўлган шартномаси бекор қилинади.
Сильва Испания терма жамоаси таркибида икки карра Европа чемпиони ва жаҳон чемпиони бўлган. У терма жамоа сафида жами 125 та ўйин ўтказган. Терма жамоадаги ўйинлари сони бўйича у еттинчи ўринда.
Клуб миқёсида Сильва Англиянинг “Манчестер Сити” жамоасидаги ўйинлари билан танилган. Мазкур жамоа сафида ярим ҳимоячи тўртта миллий чемпионат ва яна 10 та миллий совринни қўлга киритди.
Футболчи Испанияда, хусусан “Валенсия” ва “Реал Сосьедад”да ҳам ўйнаган ҳамда мазкур жамоалар сафида бир мартадан мамлакат кубогини қўлга киритган, деб хабар беради iz.ru.
