Баъзан ўз имкониятларимиздан бир неча баробар оғир юмушлар соғлиғимизга зарар эканини билсакда, кўзни чирт юмиб, ўша ишга қўл урамиз. Масалан, диск чурраси ниманинг ҳисобига келиб чиқишини билмайдиган одамнинг ўзи бўлмаса керак.
Энг биринчи ўринда оғир юк кўтариш, танани имконидан ортиқча нарсага зўрлаш. Шу маънода белгиланган юк кўтариш нормаларини билишимиз ва доимо ёдда сақлашимиз соғлиғимиз учун зарур.⠀Орқага ортиб юк кўтариш инсон тана вазнининг 10 фоизидан ошмаслиги зарур. ⠀
Айниқса, мактаб ўқувчисининг тана вазни 35 кг бўлса, унинг сумкаси (китоб-дафтарлари билан бирга) 3.5 кг.дан ошмаслиги керак.⠀
Юкни ўрнидан қўзғатиш ёки қўлда кўтариб туриш учун: эркаклар 25 кг ва аёллар 16 кг.дан ортиқ юк кўтармаслиги зарурлигини билишимиз лозим.
Юкни елка баландлигида кўтариш учун эркаклар 10 кг ва аёллар 7 кг.дан ортиқ кўтармаслиги керак.⠀
Юкни елкадан тепага кўтариш учун эркаклар 5 кг ва аёллар 3 кг.дан ортиқ кўтармаслиги керак.
Юқорида белгиланган нормалардан ортиқ юк кўтариш соғлиғингизга салбий таъсир қилади!
