Ижодга вақт ажратолмадим. Шу сабаб хонандалик фаолиятимни тугатишга қарор қилдим. Мен шоу-бизнесда юксак чўққиларни забт этганман деб ўйламайман. Менимча, инсон ўзига ёққан иш билан шуғулланса ҳар қандай соҳада муваффақиятга эришиши мумкин.
— Эшитганимиздек, сиз ҳозир бизнесдасиз сир бўлмаса қандай фаолият билан шуғулланасиз?
— Мен иқдисодиётнинг турли соҳаларида ишлайман. Хусусан, парфюмерия ва косметика маҳсулотлари ишлаб чиқариш билан шуғулланаман. Ресторан ва меҳмонхона бизнеси соҳасида ҳам лойиҳаларим бор. Менга бу йўналишлар жуда ёқади.
— Кўплаб ижодкорлар ҳам бизнес ҳам ижод билан шуғулланадилар. Нега бу йўлни танламадингиз?
— Мен бизнес ва ижодкорлик билан шуғулланиш жуда қийин ва унумли эмаслигига ишонаман. Муваффақиятли бўлиш учун сиз битта фаолиятга эътибор қаратишингиз керак. Биз бозорнинг ривожланишини доимий равишда кузатиб боришимиз ўзгаришларни таҳлил қилишимиз ва маҳсулот сифатини синаб кўришимиз керак. Бу доимий эътибор ва вақтни талаб қилади. Менимча, диққатни битта ишга қаратиш яхшидир.
— Диёр Маҳкамов қачонлардир саҳнага қайтиши мумкинми?
— Саҳнага қайтишни ҳаёлимга ҳам келтирмайман. Энди мен бутунлай бизнесга берилиб кетдим. Шоу-бизнесга қайтмайман деб ўйлайман. Лекин мен мусиқани яхши кўраман. Мен мусиқа тинглайман. Баъзан караокеда ёки машинада қўшиқ куйлайман.
