Америка Қўшма Штатлари ҳозирда Хитой билан савдо уруши ҳолатида. Бу ҳақда АҚШ Президенти Дональд Трамп журналистларнинг икки давлат ўртасидаги савдо алоқалари ва тариф сиёсати ҳақидаги саволларига жавоб берар экан.
“Биз аллақачон савдо уруши ҳолатидамиз. Бизнинг божхона тарифларимиз бўлмаганида, бизда мудофаа бўлмаган бўларди”, деб таъкидлади Америка етакчиси, агар Хитой раҳбари Си Цзиньпин билан бир неча ҳафта ичида режалаштирилган учрашувида келишувга эришилмаса, Хитой билан мумкин бўлган узоқ муддатли савдо уруши ҳақидаги саволга жавоб берар экан.
Трампнинг сўзларига кўра, тарифлар АҚШ миллий хавфсизлиги ва мудофаасини таъминлашнинг асосий воситаси ҳисобланади, деб хабар берди aa.com.tr.
Оқ уй раҳбарининг таъкидлашича, аввалги маъмуриятлар бу воситадан тўлиқ фойдаланмаган. Президентнинг қўшимча қилишича, тарифлар нафақат Америка иқтисодиёти учун триллионлаб долларлар олиб келяпти, балки “тинчликни сақлашга” ҳисса қўшяпти ва ҳарбий можароларга барҳам беришда ҳал қилувчи роль ўйнаяпти. “Тарифларсиз урушлар бутун дунёда давом этарди”. “Улар туфайли Россияни ҳисобга олмаганда, энди урушлар йўқ”, деди Трамп.
