Италиянинг “Аталанта” клуби Европа Лигаси чорак финалининг биринчи ўйинида Германиянинг “Лейпциг” жамоаси билан 1:1 ҳисобида дуранг ўйнаб, кейинги босқичга чиқишга яқин турган эди. Аммо италияликлар ўз майдонида кутилмаганда немис жамоасига 0:2 ҳисобида ютқазиб қўйди. Шундай қилиб, “Лейпциг” кейинги босқичга йўл олди. Немис футболчилари ярим финалда чорак финалда “Брага”ни енгган Глазго шаҳрининг “Рейнжерс” клуби билан учрашади.
Испанияда ҳам кутилмаган ҳисоб қайд этилди. Сафарда дуранг ўйнаган “Барселона” ўз уйида “Айнтрахт”га ютқазиб, турнирни тарк этди. “Вест Ҳэм” меҳмонда “Лион” дарвозасига жавобсиз 3та гол уриб, кейинги босқичга чиқди.
Ярим финалда “Вест Ҳэм” “Айнтрахт” билан тўқнаш келса, “Рейнжерс” “Лейпциг”га қарши майдонга тушади. Беллашувлар 28 апрель ва 5 май кунлари бўлиб ўтади.
