Эсини таний бошлаган болажонларимизга дунёни, табиат, ҳайвоноту ўсимлик дунёси, умуман, у ким, бу нима эканини англатишимизда энциклопедияларнинг ўрни катта. Аниқроғи, фарзандларимиз дунёқараши, онгини ўстиришда энциклопедия бизга ёрдамчи бўлади. Шунингдек, ўзимиз ҳам энциклопедиялардан билмаган саволларимизга жавоб олишда кенг фойдаланамиз. Техника ривожланган айни пайтда эса инсонлар кўплаб маълумотлардан википедия орқали билиб олишмоқда.
Биласизми, википедия пайдо бўлишидан олдин энг катта энциклопедия Хитой императори Ёнгленинг буйруғи билан яратилган, император кутубхонасининг барча китобларидан, шу жумладан каноник, тарихий, фалсафий ва бадиий асарларидан билимларни ўз ичига олган маълумотнома ҳисобланган. У 1407 йилда яратилган ва тахминан 600 йил давомида сақланиб келган.
