Хабар берганимиздек, мусобақа билан параллель равишда ўша йўналишга бағишланган «Очиқ эшиклар куни» ҳам ташкил қилинди. МОҚ ҳамда Ўзбекистон қиличбозлик федерацияси раиси Рустам Шоабдураҳмонов ушбу беллашувларни кузатиш ва спортчиларимиз билан учрашиш учун мусобақа ўтказилаётган аренага ташриф буюрди.
МОҚ раиси спортчиларимиз билан суҳбатлашар экан, уларнинг келгуси йил учун қўйган режалари ҳақида гаплашди ва бу борада қиличбозларимизга омад тилаб ўтди.
Кескин ва қизиқарли кечган беллашувлар якунида аёллар ўртасида Яна Обвинсева биринчи ўринни қўлга киритган бўлса, йигитларимиздан Шерзод Мамутов ўз ғалабасини тантана қилди.
Мусобақанинг ғолиб ва совриндорлари сафида Яна Обвинсева, Севинч Исмоилова, Севила Худойберганова ҳамда Венера Исроиловалар бор. Эркаклар ўртасидаги баҳсларда Шерзод Мамутов, Жалолиддин Душамбоев, Бобур Расулов ва Фозил Генжебоев ғолиб ва совриндор бўлишди.
