Тадбирда Қорақалпоғистон Республикаси Маҳалла ва оилани қўллаб-қувватлаш вазири биринчи ўринбосари М.Ахмедова бошчилигида Элликқалъа, Тўрткўл, Беруний ва Амударё туманларидан ташриф буюрган фаол аёллар иштирок этди.
Семинар иштирокчилари “Ақчакўл” овул фуқаролар йиғини “Аёллар маслаҳат Кенгаши”нинг иш тажрибаси билан якиндан танишди. Тадбирда сўз олганлар маҳаллаларда хотин-қизларга қаратилаётган эътибор ҳақида тўхталиб, қандай қилиб ажримларни камайтириш, эрта никоҳнинг олдини олиш хусусида сўз юритишди.
Ўзара мулоқот шаклида бўлиб ўтган учрашувда фаол аёллар бир-бирларидан ўзаро тажриба алмашдилар.
Минажатдин ҚУТЛИМУРАТОВ,
“Янги Ўзбекистон” мухбири
