Бу ҳақда Миллий илмий-технологик тадқиқотлар кенгаши (CONICET) маълум қилди, деб хабар берди report.az.
Янги тур Huayracursor jaguensis деб номланди. “Биз Huayracursorнинг ёшини тахминан 225-230 миллион йил деб ҳисоблаймиз, бу уни дунёдаги энг қадимги динозаврлардан бирига айлантиради”, деди тадқиқотчи Агустин Мартинелли, кашфиёт ҳақидаги илмий мақола муаллифларидан бири.
Деярли тўлиқ скелет Аргентина ғарбидаги Ла-Риоха вилоятида денгиз сатҳидан тахминан 3000 метр баландликда топилган. Huayracursor ўша даврнинг бошқа динозаврларидан узунроқ бўйни ва катталиги билан ажралиб турарди. “Биз унинг узунлигини тахминан 2 метр, катталар вазнини эса 18 кг деб ҳисоблаймиз, бу Аргентинада топилган бошқа яқин қариндошларидан деярли икки баравар кўп”, деди тадқиқотнинг яна бир муаллифи Малена Хуарес.
Олимлар таъкидлаганидек, динозавр қолдиқлари яхши ўрганилмаган геологик ҳавзадан топилган. “Бу йирик кашфиётлар истиқболини очади. Бутунлай янги, ноёб тарзда сақланиб қолган ва хилма-хил фаунага эга, деб ҳисобланиши мумкин бўлган жойларни топиш жуда камдан-кам учрайди”, дейди Мартинелли.
