Хорижий тилларни оммалаштириш агентлигида "Энг яхши хорижий тил ўқитувчиси" Республика танловида ғолиб бўлган немис тили ўқитувчиларини Берлин шаҳрига тантанали кузатиш маросими бўлиб ўтди.
Учрашув давомида ўқитувчиларга бўлғуси сафар бўйича тавсия ва таклифлар берилди.
Эслатиб ўтамиз, Республикамизнинг барча ҳудудларидан ғолиб бўлган 14 нафар немис тили ўқитувчиси бугун Берлин шаҳридаги Гёте институтида икки ҳафталик малака ошириш курсларида ўқиш учун жўнаб кетади.
Ушбу малака ошириш курслари немис тилини ўқитишни инновацион ва ўқувчиларни қизиқтира олувчи методик-дидактик тамойилларга асосланган, шунингдек, офлайн ва онлайн-дарслар учун интерфаол услубларни ўргатишга ҳам қаратилган.
