Дилшода Усмонова енгил атлетика бўйича Осиё миқёсида медални қўлга киритган андижонлик ягона спортчига айланди.
Зеро, вилоят тарихида енгил атлетика бўйича биринчи ва ҳозирча ягона медал олтин медал бўлди ва янгиланиши мураккаб бўлган (2 минг метрга тўсиқлар оша югуришда 6:55,41 сония) рекорд ўрнатилди. Шунингдек, Ўзбекистон бўйича 16,18,20 ёш тоифасидаги рекорд натижалар ҳам айнан шу қизга тегишли саналади. Унинг ўзи 17 ёшда.
Икки кун олдин Қувайт мамлакатида Осиё чемпионлигини қўлга киритган Қўрғонтепа фарзанди бугун тантанали тарзда қарши олинди.
Андижон вилояти ҳокими номидан ушбу спортчига 50 миллион сўм ва унинг мураббийига 30 миллион сўм пул мукофоти топширилди.
