Бугун Испания миллий жамоаси жаҳон чемпионатининг 1/8 финалида Марокашга қарши майдонга тушади. Мутахассислар баҳсда испанларнинг имкониятлари юқорироқ эканлигини таъкидлашмоқда.
Ушбу масъулиятли учрашув арафасида Marca нашри “қизил фурия”лар бош мураббийи Луис Энрике ЖЧ-2022дан кейин ўз лавозимини тарк этиши ҳақида хабар тарқатди.
Хабарда айтилишича, Испания термаси чемпионатда қандай натижа қайд этишидан қатъи назар, Луис турнирдан кейин миллий жамоа билан хайрлашади. Унинг ўрнига Марселино Тораль иш бошлаши кутилмоқда. Марселино шу пайтга қадар “Севилья”, “Валенсия”, “Вильярреал” ва “Атлетик” Бильбао клубларида фаолият юритган.
Шу ўринда айтиб ўтиш лозимки, Энрике 2019 йилдан буён Испания миллий жамоасини бошқармоқда. Унинг қўл остида жамоа Евро-2020да яримфиналга қадар етиб борган.
