Республика кунида Италия президенти Серджо Маттарелло Кодоньо шаҳрига борди. Феврал ойида бу шаҳар вирус тарқалаётган марказлардан бири эди. Бугун эса бу ҳудуд Европалик туристларга қучоқ очмоқда. 3 июндан бу ерда мажбурий карантин чоралари бекор қилинди.
Еврокомиссия тавсияси билан Римнинг иқтисодиётни тиклаш учун режадан икки ҳафта олдин карантин чораларини юмшатишига ва таваккал қилишига тўғри келди.
Жаҳон Соғлиқни сақлаш ташкилоти вакили Маргарет Харриснинг фикрича, Ғарбий Европада янги зарарланганлар кўрсаткичи пасайиши қайд этилмоқда. Кўрсаткичлар секин пасаймоқда, лекин стабиллик бор. Гап кунлик зарарланишлар ҳақида эмас, умумий кўрсаткичлар тўғрисида кетмоқда.
Шу билан бирга мутахассис карантинни бирданига юмшатиш коронавируснинг иккинчи тўлқинини бошлаб бериши мумкинлигини айтмоқда.
Европада биринчи бўлиб Германия аҳолисига барларга киришига руҳсат берди ва тез орада маҳаллий чегаралар очилишини ҳам маълум қилди. Холбуки, Қуйи Саксониянинг жанубида жойлашган Гёттенгенда оилавий базм уюштирилиши оқибатида 35 кишида қоронавирус аниқланиб, 160 киши карантинга олинган. Уларнинг учдан бири болалардир.
Буюк Британияда март ойига қараганда ўлим кўрсаткичи жуда паст рақамларда қайд этилмоқда. Аммо бу рақамлар ҳали нисбий. Чунки 2 872 нафар бемор вирус билан курашмоқда. Лекин ҳукумат карантин чоралари юмшатилишини эълон қилмоқда.
