Дастлаб британиялик тадбиркор Гарри Вульф томонидан йиғилган коллекция 3-4,3 миллион долларга баҳоланган эди, бироқ аукцион савдоси натижаси кутилганидан сезиларли даражада ошиб кетди.
Тўпламнинг энг қиммат қисми 1900-йилларда яратилган, олтин, жаде, эмал, марварид ва олмос билан безак берилган биллур стакандаги қулупнай этюди эди. У 430 минг долларга сотилди.
Худди шу даврда яратилган, олтин ва қимматбаҳо тошлар билан безатилган кичкина кўк бошли қушча ҳайкалчаси 200 минг долларга сотилди, бу ҳам лотнинг дастлабки ҳисоб-китобидан уч баравар ошиб кетди. Олтин ва қимматбаҳо тошлар билан безатилган яна бир ноёб қуш ҳайкалчаси ҳам худди шу нархга тушди.
Эслатиб ўтамиз, аввалроқ Женевада бўлиб ўтган Sotheby's аукционида Романовлар қироллик оиласига тегишли заргарлик буюмлари тўплами 885 минг долларга сотилган эди.
