Вилоят вакиллари қирғиз миллий ўйинларига гувоҳ бўлди. Улоқ, келин қувди маросимлари, ўргатилган бургутнинг ўлжа тутиш жараёнлари саҳналаштирилган тарзда намойиш этилди. Ўқ отиш маросимларида эса бевосита фарғоналикларнинг ўзлари ҳам қатнашдилар.
Тадбир концерт дастурига уланиб кетди. Қирғиз халқ эпоси бўлган «Манас» қўшиғининг чиройли ижроси олқишлар билан қарши олинди. Фольклор ансамбллари томонидан тайёрланган чиқишлар, ўзбек санъаткорларининг дилга яқин қўшиқлари йиғилганларни рақсга чорлади.
Якунда икки вилоят делегацияси вакиллари бир-бирларига эсдалик совғаларини топширишди.
Шундан сўнг муҳим келишувларга, ҳамкорлик алоқаларини янада мустаҳкамланишига хизмат қилган икки кунлик ташриф ўз якунига етди.
