Бу ҳақда вилоят Фавқулодда вазиятлар бошқармаси хабар берди.
Маълум қилинишича, бугун, 10 октябрь куни соат 06:02 да «Янги Бўстон» МФЙ ҳудудидан ўтувчи А-373 Андижон–Тошкент йўналишида ҳаракатланиб кетаётган «Volvo» русумли фурада ёнғин содир бўлган.
Ёнғин ўчириш экипажлари воқеа жойига соат 06:22 да етиб келган. Ёнғин 06:23 да ўраб олиниб, 06:26 да тўлиқ бартараф этилган. Ҳодиса оқибатида ҳеч ким жабрланмаган.
Қайд этилишича, ҳозирда ёнғиннинг келиб чиқиш сабаблари ва етказилган моддий зарар миқдори аниқланмоқда.
