Компаниянинг иккинчи чорак бўйича чоршанба куни чоп этилган корпоратив ҳисоботларидан кўриниб турибдики, 30 июнь куни якунланган уч ойлик муддат охирида бу кўрсаткич 2020 йил иккинчи чорагига нисбатан 7 фоизга ошди.
Бундан ташқари, 2021 йил июнь ойида 1,91 миллиард киши кунига камида бир марта Facebookдан фойдаланган. Ушбу кўрсаткич 2020 йил иккинчи чорагига нисбатан 7 фоизга ўсди.
Компания вакилларининг таъкидлашича, дунёда тахминан 3,51 миллиард киши ҳар ой камида бир марта ижтимоий тармоқларнинг биридан фойдаланади. Ушбу рўйхатга Facebookдан ташқари Instagram ижтимоий тармоғи, шунингдек, messenger ва WhatsApp тезкор хабар алмашиш дастурлари киради.
Мазкур тармоқларга кунига бир марта кирадиганлар сони июнь ойида 2,76 миллиарддан ошган. Facebookнинг жорий йил иккинчи чорагидаги даромади 29,08 миллиард доллар, соф фойда эса 10,39 миллиард доллар, 2020 йилнинг иккинчи чорагида даромад тахминан 18,69 миллиард доллар, фойда эса 5,18 миллиард долларни ташкил қилган.
Эслатиб ўтамиз, Facebookга 2004 йил 4 февралда Марк Цукерберг ва унинг учта ҳамкасби Гарвард университетида ўқиётган пайтида асос солган.
