Пенсия жамғармасининг маълум қилишича, жамғарма томонидан шу йилнинг февраль ойи тўлов рўйхатларига киритилган 4,1 млн нафар пенсия олувчилар учун талаб этилган маблағлар тижорат банкларига молиялаштирилиб берилди.
Пенсия тўловларини нақд пулсиз шаклда олувчи 3,4 млн нафар (ёки жами олувчиларнинг 82 фоизи) фуқароларнинг банк карталарига маблағлар тўлиқ юклаб берилиши таъминланди.
Амалдаги қонунчилик талабларига мувофиқ пенсия пулларини нақд шаклда олувчиларга пенсия пуллари 4 февраль кунидан бошлаб тасдиқланган графикларга асосан Халқ банкининг сайёр кассалари томонидан етказиб берилишини маълум қиламиз, — дейилади хабарда.
