Тасвирнинг марказида 26 рақамининг кўп рангли такрорланишидан иборат нақш фонида жойлашган Жаҳон кубоги ўрин олган бўлиб, мусобақа ўтказиладиган йилга ишора қилади. Тез орада мусобақа ўтказиладиган АҚШ, Канада ва Мексикадаги 16 та шаҳарнинг ҳар бирининг тимсоллари ҳам тақдим этилади.
Март ойида Африкадаги Конгрессда ФИФА 2026 йилги жаҳон чемпионатининг янги форматини тасдиқлади. Унда илк бор 48 та жамоа иштирок этади. Улар ҳар бири тўртта жамоадан иборат 12 та гуруҳга бўлинади. 1/16 финал босқичига ҳар бир гуруҳдан иккита энг яхши жамоа ва учинчи ўринни эгаллаган саккизта энг яхши жамоа йўл олади. Жамоалар жами 104 та ўйин ўтказишади. Жаҳон чемпионати финали 2026 йилнинг 19 июлида бўлиб ўтади.
Аргентина жаҳон чемпионатининг амалдаги чемпиони ҳисобланади. 2022 йил Қатарда бўлиб ўтган жаҳон чемпионатининг ҳал қилувчи баҳсида аргентиналиклар Франция терма жамоасини мағлуб этганди. Аргентиналик футбол юлдузи Лионель Месси чемпионатнинг энг яхши футболчиси деб топилган эди, деб хабар беради mir24.tv.
