Кеча ФИФА Руанда пойтахти Кигалида ўтган конгрессда илк марта 48 жамоа иштирокида ўтадиган 2026 йилги жаҳон чемпионати форматини тасдиқлади. Бу мундиал АҚШ, Канада ва Мексикада бўлиб ўтади.
Дастлаб жамоаларни 3тадан 16та гуруҳга бўлиш режалаштирилганди. Аммо ФИФА бу ғоядан воз кечиб, 4та жамоадан иборат 12та гуруҳни маъқуллади. Гуруҳларда дастлабки икки ўринни эгаллаганлар ва 3-ўрин соҳибларидан энг яхши 8та жамоа 1/16 финалга йўл олади.
Шу ўринда таъкидлаш лозимки, янги форматда 104та ўйин ўтказилади. Таққослаш учун, 32та жамоа иштирокидаги чемпионатларда 64та ўйин бўлиб ўтган. Турнир 39 кун давом этади.
