Интерполнинг Ўзбекистон ва Польша Миллий марказий бюролари ходимларининг қидируви натижасида 2022 йил март ойи бошларида Варшавада асли самарқандлик 36 ёшли Ўзбекистон фуқаросининг манзили аниқланиб, қўлга олинган. У Ўзбекистон ҳуқуқ-тартибот идоралари томонидан кўп миқдордаги фирибгарлик содир этгани учун Интерпол каналлари орқали қидирувга берилган бўлган.
Маълум қилинишича, мазкур жиноятга алоқадор шахс фуқароларнинг ишончини қозониб, АҚШда ишга жойлашиш ва виза ёрдамини олишда кўмак беришини таклиф қилиб, улардан катта миқдорда пул олган. Фирибгарлик хизматларини тугатгандан сўнг, у мамлакатни тарк этиб, чет элда яширинган.
Шу кунларда Ўзбекистон ва Польша Интерпол ходимларининг музокаралари ва ҳамкорликдаги тезкор ҳаракатлари туфайли қидирувдаги шахс қўлга олиниб, Ўзбекистонга топширилган.
