Хабарингиз бор, Вазирлар Маҳкамасининг қарорига асосан шу йилнинг 14-15 сентябрь кунлари Хива шаҳрида “Марказий Осиё дунё цивилизациялари чорраҳасида” Халқаро маданият форуми бўлиб ўтиши белгиланганди. Форум доирасида бир қатор маданий тадбирлар ўтказилиши ҳам режалаштирилган. Хусусан, Хива шаҳрида Турксой ташкилотига аъзо давлатлар маданият вазирларининг мажлиси ҳам бўлиб ўтади.
Халқаро форумни ёдда қоларли даражада ташкил қилиш, юртимизнинг кўп асрлик маданий мероси, санъат ва миллий ҳунармандчилик борасидаги анъаналар бардавомлигини ташриф буюрадиган меҳмонларга бор бўйича намойиш қилиш мақсадида тайёргарлик ишлари қизғин давом қилмоқда.
Бир сўз билан айтганда, қадим ва ҳамиша навқирон Хива меҳмонларни кутмоқда!
Рўзимбой ҲАСАН,
“Янги Ўзбекистон” мухбири
