Вакцина лаборатория тадқиқотлари ва клиник синовлардан муваффақиятли ўтгани боис экпертизага рухсат берилди.
Ўтказилган тестлар вакцина COVID-19га қарши антитаначалар ишлаб чиқариши мумкинлигини кўрсатди.
Келажакда Европа дори воситалари агентлиги вакцинанинг самарадорлик, хавфсизлик ва сифат бўйича одатий Европа Иттифоқи стандартларига мувофиқлигини баҳолайди.
Эслатиб ўтамиз, эндиликда Pfizer-BioNTech, Johnson & Johnson, Moderna ва Oxford–AstraZeneca компанияларининг дори воситалари Европа Иттифоқида сертификатланган ҳисобланади.
Valneva — штаб-квартираси Сен-Эрбленда жойлашган француз биотехнология компанияси бўлиб, кимёвий йўл билан тирик вирусдан тайёрланган вакцина ишлаб чиқаради. Вакцина ишлаб чиқаришнинг бу анъанавий технологияси 60 йилдан ошиқроқ вақтдан буён қўлланилмоқда. Компаниянинг Шотландия, Швеция, Aвстрияда ишлаб чиқариш майдончалари, Франция, Канада ва AҚШда бошқа офислари мавжуд.
