Бош прокуратура ҳузуридаги Департаментнинг Олтиариқ туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда, фуқаро Ш.Ғ. бошқа бир фуқаро Ш.ни қўшни Қирғизистон Республикасидаги олий таълим муассасаларининг бирига танишлари орқали ўқишга киритиб қўйиш ва 1-курсини тугатганлиги тўғрисида маълумот қилдириб бериш эвазига 1 100 АҚШ долларини олган вақтида ашёвий далиллар билан ушланган.
Шу каби, Департаментнинг Наманган вилоят бошқармаси томонидан ўтказилган терговга қадар текширувда, фуқаролар Ё.Т., Р.Б. ва бошқалар фуқаро С.О.ни Жалолобод давлат университетига ўқишга киритиб, кейинчалик Наманган давлат университетининг “Ҳуқуқшунослик” факультетига кўчириб бериш эвазига 1580 АҚШ доллари ва 26 млн сўмини қўлга киритишиб, шундан 200 АҚШ долларини қайтарганлиги, шунингдек фуқаро Х.И.нинг ўқишини қўшни Қирғизистон Республикасидан Наманган муҳандислик-технология институтига кўчириб бериш эвазига 3 000 АҚШ долларини олиб шундан 200 АҚШ долларини қайтарганлиги аниқланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
