Киберхавфсизлик маркази мазкур ҳолат юзасидан расмий баёнот бериб, айни дамда суриштирув ишлари олиб борилаётганини маълум қилди.
Марказ ахборот хизматининг таъкидлашича, ҳолат юзасидан ўтказилаётган ўрганишлар якунига кўра қўшимча маълумотлар тақдим этилади. Шу билан бирга, мутахассислар фуқароларни интернет тармоғида шахсий маълумотлар хавфсизлигига янада эътиборли бўлишга чақирмоқда.
Киберхавфсизлик бўйича мутахассислар фуқароларга қуйидаги хавфсизлик чораларига риоя қилишни тавсия этади:
- Шахсий маълумотларни учинчи шахсларга асло ошкор қилмаслик;
- Давлат ва бошқа электрон тизимларга киришда оддий пароллардан воз кечиб, мураккаб логин ва пароллардан фойдаланиш;
- Ҳар хил шубҳали ҳаволалар (линклар) орқали ўз маълумотларини киритмаслик ва фишинг ҳужумларидан эҳтиёт бўлиш.
Эслатиб ўтамиз, шахсий маълумотлар дахлсизлигини таъминлаш нафақат техник тизимларга, балки фойдаланувчиларнинг кибергигиена қоидаларига қай даражада амал қилишига ҳам боғлиқ. Ўрганиш натижалари бўйича батафсил маълумотлар расмий каналлар орқали эълон қилиниши кутилмоқда.
