Kiberxavfsizlik markazi mazkur holat yuzasidan rasmiy bayonot berib, ayni damda surishtiruv ishlari olib borilayotganini maʼlum qildi.
Markaz axborot xizmatining taʼkidlashicha, holat yuzasidan oʻtkazilayotgan oʻrganishlar yakuniga koʻra qoʻshimcha maʼlumotlar taqdim etiladi. Shu bilan birga, mutaxassislar fuqarolarni internet tarmogʻida shaxsiy maʼlumotlar xavfsizligiga yanada eʼtiborli boʻlishga chaqirmoqda.
Kiberxavfsizlik boʻyicha mutaxassislar fuqarolarga quyidagi xavfsizlik choralariga rioya qilishni tavsiya etadi:
- Shaxsiy maʼlumotlarni uchinchi shaxslarga aslo oshkor qilmaslik;
- Davlat va boshqa elektron tizimlarga kirishda oddiy parollardan voz kechib, murakkab login va parollardan foydalanish;
- Har xil shubhali havolalar (linklar) orqali oʻz maʼlumotlarini kiritmaslik va fishing hujumlaridan ehtiyot boʻlish.
Eslatib oʻtamiz, shaxsiy maʼlumotlar daxlsizligini taʼminlash nafaqat texnik tizimlarga, balki foydalanuvchilarning kibergigiyena qoidalariga qay darajada amal qilishiga ham bogʻliq. Oʻrganish natijalari boʻyicha batafsil maʼlumotlar rasmiy kanallar orqali eʼlon qilinishi kutilmoqda.
