Маълумки, жорий йилнинг охирди Қатарда футбол бўйича навбатдаги жаҳон чемпионати бўлиб ўтади. 2026 йилги дунё биринчилигига эса уч давлат – АҚШ, Канада ва Мексика мезбонлик қилади.
Испания ва Португалия 2030 йилги жаҳон чемпионатини биргаликда ўтказиш учун ариза бермоқчи. Уларнинг ҳисоб-китобларига қараганда, Испания асосий мезбон бўлиб, Португалиядаги ўйинлар фақат 3та стадионда ўтказилиши режалаштирилган. Ҳозирча 17та – Португалиядаги “Да Луш”, “Драгау”, “Жозе Алваладе” ва Испаниядаги “Сантяго Бернабеу”, “Ванда Метрополитано”, “Камп Ноу”, “Корнелья”, “Ла Картуха”, “Сан-Мамес”, “Месталья”, “Риазор”, “Эль Молинон”, “Ла Ромареда”, “Реале Арена”, “Ла Росаледа”, “Гран-Канария” ва “Ла Кондомина” стадионлари таклиф қилинади. Ташкилотчилар эса улардан 14 тасини танлаб олади.
Бу ҳозирча режа. Чунки 2030 йилги жаҳон чемпионатини ўзида ўтказишни хоҳлайдиган даъвогар давлатлар кўп.
