GTL заводи ўзини ўзи электр энергияси билан таъминлайди

Ҳукумат 25 дек 2021, 15:46 1 735

Давлат раҳбари заводда ишлаб чиқариладиган дизель ёқилғиси ҳам камида Евро-6 стандартларига жавоб беришини ва минтақамизда бундай тоза маҳсулот ишлаб чиқарадиган корхона умуман мавжуд эмаслигини таъкидлади:

- Бу эса, ўз навбатида, ушбу маҳсулотлар ҳисобига республикада авиация хабларини ташкил қилиш ҳамда юк ташишда хизмат қиладиган йирик логистика компанияларини ривожлантиришга мустаҳкам замин яратади. Яна бир муҳим жиҳати шундаки, заводни электр энергияси билан таъминлашда ҳам инновацион ечимлар қўлланган.

Яъни, технологик жараёнларда ҳосил бўладиган буғ ҳисобидан, йилига 650 миллион киловатт-соат электр энергияси ишлаб чиқарилиб, завод ўзини ўзи энергия билан таъминлайди.