Бош прокурорнинг биринчи ўринбосари Бахриддин Валиев томонидан уй-жойга муҳтож етим ва ота-она қарамоғидан маҳрум бўлган меҳрибонлик уйлари ва Ўзбекистон SOS болалар маҳаллалари Самарқанд вилоят филиалининг 48 нафар тарбияланувчилари билан Пайариқ туманида учрашув ўтказилди.
Учрашув давомида муаммолар бирма-бир ўрганилиб, ушбу муаммоларни қисқа муддатларда ҳал қилиш бўйича ҳар бир болага бир нафар прокуратура ходими бириктирилди.
Бундан ташқари, Бош прокурорининг биринчи ўринбосари ҳар бир бола билан алоҳида суҳбатлашиб, ҳаёт йўлида керакли бўлган маслаҳатларини берди.
Шунингдек, учрашув давомида тарбияланувчилар учун дастурхон ёзилиб, эсдалик совғалари топширилди.
