2023 йилнинг 6 март куни соат 20:28да Пахтаобод тумани «Юқори» МФЙ Келажак кўчасида ҳаракатланиб кетаётган «Матиз» русумли автомобилда ёнғин содир бўлди.
Давлат рақами 60Р365СА бўлган оқ рангли машина Пахтаобод тумани «З.Хабибий»МФЙ Сувоқава кўчасида яшовчи 1974 йилда туғилган Х. Р тегишли бўлиб, 2006 йилда ишлаб чиқарилган. Автомобилнинг матор ва салон қисми ёнган.
Ёнғинга ФВБ қутқарувчилари 20:35да етиб бориб, 20:36да ўраб олиниб, 20:38да ўчирилган. Электр симининг қисқа туташуви ёнғинга сабаб бўлиши мумкин. Ёнғин зарари аниқланмоқда.
