Бу ҳақда Ҳиндистон коинот тадқиқотлари ташкилоти (ISRO) Х ижтимоий тармоғида хабар берди.
Hindustan Times нашрининг ёзишича, бу рентген полариметрия сунъий йўлдоши – XPoSatнинг учирилиши билан боғлиқ Ҳиндистоннинг биринчи шундай миссиясидир. Илгари бундай миссия АҚШ томонидан амалга оширилган.
The Times of India нашрининг ёзишича, сунъий йўлдош ускунаси тахминан 50 га яқин потенциал коинот манбалардан келадиган рентген нурланишининг қутбланишини ўлчайди. Бундай тадқиқотлар қора туйнуклар, фаол галактик ядролар ва пульсар шамол туманликларининг табиатини яхшироқ тушунишга ёрдам бериши кутилмоқда, деб хабар беради lenta.ru.
