Ҳиндистонлик математика ўқитувчиси Билол Аҳмад ноодатий электромобиль яратди. У буни 11 йил давомида эски Nissan Micra асосида ишлаб чиқди.
Ихтирочи ўзининг Nissan Micra автомобилини ўзгартирди, двигателни электр моторига алмаштирди, самарали қувват билан таъминлайдиган қуёш панелларини ўрнатди. Бунинг учун 19 минг доллар сарфлади.
“Мен лойиҳани бошлаганимда ва уни тугатганимдан кейин ҳам ҳеч ким менга молиявий ёрдам бермади. Агар керакли ёрдамни олганимда, балки ҳиндистонлик Илон Маск бўлардим”, дейди Аҳмад.
У автомобилларга монокристалли қуёш панелларини ўрнатди, улардаги ҳар бир фотоэлектрик элемент кремний кристаллидан тайёрланади. Бундай батареялар бошқаларга қараганда кўпроқ киловатт-соат электр энергияси ишлаб чиқаради.
Бундан ташқари, автомобиль ўзига хос деталларга – афсонавий DeLorean DMC-12 каби “чайка қанотлари”га эга. Улар иложи борича кўпроқ қуёш нурини йиғиш хусусиятига эга.
