Кўмир ортилган поезд Визаг портидан Руркела пўлат заводига йўл олди.
Биринчи йўлда ҳаракат тикланганидан бир неча соат ўтгач, қарама-қарши йўналишда ҳаракат бошланди. Бўш юк поезди маршрут бўйлаб биринчи бўлиб ўтди.
2 июнь куни Одиша штатининг Баласоре шаҳри яқинида учта поезд тўқнашиб кетди. Калькуттадан Ченнайга кетаётган йўловчи поезди юк поездига бориб урилган. Натижада бир нечта вагонлар қарама-қарши йўлга ағдарилган. Яна бир йўловчи поезди уларга келиб урилди, яна бир неча вагон рельсдан чиқиб кетди. 275 киши темир йўл ҳалокати қурбони бўлди, 1,1 мингдан ортиқ киши жароҳат олди, улардан 100 нафари оғир аҳволда бўлиб, шифохоналарда даволанмоқда.
Ҳиндистон темир йўллари вазирлиги поезднинг тўқнашуви юзасидан тергов ўтказиш учун Марказий тергов бюросига мурожаат қилди. Электроника ва ахборот технологиялари вазири Ашвини Ваишнавнинг айтишича, ҳалокат техник сабаб: электрон қулфнинг ўзгариши билан боғлиқ. Ҳиндистондаги темир йўл изларининг 98 фоизи 1870-1930 йилларда ётқизилган, деб хабар беради mir24.tv.
