Дастлаб фермер Шрадхананд ўз хонасида ухлашга ётган пайтда полда илон боласи ўрмалаб юрганини кўради. Илончани тутиб, уйдан чиқариб ташлайди. Аммо ичкарига кирган эркак каравотида яна бир нечта судралиб юрувчиларни кўради.
Фермер илонларнинг бузилган кондиционер ичидан чиқаётганини тушунади ва бошқа оила аъзоларини ёрдамга чақиради.
Қариндошлари билан кондиционер қопқоғини очган Шрадхананд унинг ичидан яна 36 та судралиб юрувчини чиқариб олади. Қариндошлари ва қўшнилари ёрдамида ҳамма илонларни қопга солиб, яқин ҳудудда жойлашган ўрмонга олиб бориб ташлайди.
Экспертларнинг фикрича, илон узоқ вақт мобайнида ишлатилмаган кондиционер ичига тухум қўйган бўлиши мумкин.
Ушбу хабар қишлоқда тез тарқалиб, маҳаллий аҳоли ўртасида ваҳима уйғотади.
