Маълумотларга кўра, маҳаллий вақт билан соат 8:10 атрофида Мумбайдан учиб кетган кичик самолёт ярим соатдан кейин қўнишга уринаётганда Барамати аэропорти яқинида ҳалокатга учраган. Хабарларга кўра, Павар келаси ой бўлиб ўтадиган маҳаллий сайловлар олдидан тўртта муҳим жамоатчилик йиғилишида қатнашиши керак эди.
Фуқаро авиацияси бош бошқармасининг маълумотларига кўра, бортда унинг икки ходими ва икки экипаж аъзоси ҳам бўлган.
“Бортда ҳеч ким тирик қолмади”, дейилади бошқарма баёнотида.
Воқеа жойидан олинган видеолавҳаларда ёнғин ва тутун, шунингдек, самолётнинг вайроналари ва тез ёрдам машинаси кўрсатилган, деб хабар берди report.az.
ОАВ хабарларига кўра, Ҳиндистоннинг молиявий пойтахти Мумбайдан учаётган Паварнинг самолёти учиш жойидан 250 километр узоқликдаги Бараматига фавқулодда қўнишга уринган.
