Шу йил 16-27 январь кунлари Таиланднинг Бангкок шаҳрида ўтказилиши режалаштирилган 22 ёшгача боксчилар ўртасидаги Осиё чемпионати олдидан эълон қилинган 17 та вазн тоифасидан иборат ушбу рейтингда Қозоғистон биздан ўтиб кетганига гувоҳ бўлишингиз мумкин.
Янгиланган рўйхатда Қозоғистон жаҳон рейтинги пешқадами бўлиб олган. Ўзбекистон қўшниларимиздан кейинги иккинчи ўринга пастлаган бўлса, Ҳиндистон учинчи поғонага жойлашган. Топ-10 рейтингидан АҚШ, Туркия, Мексика, Бразилия, Жазоир, Куба ва Ирландия терма жамоалари жой олган.
