Куни кеча Ўзбекистон Республикаси Ички ишлар вазирининг ўринбосари полковник Б.Абдуллаев ҳамда Ўзбекистон Республикаси Кинематография агентлиги бош директорининг биринчи ўринбосари Ш.Ризаевлар томонидан ҳамкорлик меморандуми имзоланди.
Учрашув давомида томонлар ҳуқуқбузарликларнинг олдини олиш, уларнинг сабаб ва шарт-шароитларини аниқлаш, бартараф этишга қаратилган ибратли қисқа видеороликлар ва бадиий фильмларни мунтазам равишда суратга олишни йўлга қўйиш борасида суҳбатлашишди.
Шунингдек, ёшларни ватанпарварлик руҳида тарбиялаш масалалари юзасидан ҳамкорлик мунасабатлари келишиб олинди. Ҳуқуқбузарликлар профилактикаси Бош бошқармасига профилактика хизматининг барча қилинган ишлари бўйича Кинематография агентлиги билан ҳамкорликда фильм ишлаб чиқиш тавсия этилди.
Кинематография агентлиги Ахборот хизмати
