“Обод хонадон – юрт кўрки”, “Оролбўйини обод этайлик”, “Истеъмолчилар уйи” ва “Истеъмолчи кутубхонаси” лойиҳалари шулар жумласидандир.
Мазкур лойиҳалар нафақат давлат ва хўжалик бошқаруви органлари, шунингдек, тадбиркорлик субъектлари билан ижтимоий шериклик асосида маҳаллий ҳокимликларнинг амалий кўмагида амалга оширилганини алоҳида эътироф этиш жоиз.
Жумладан, Тошкент шаҳрида “Loyihalash, ekspertiza va baholash” (қурилиш соҳасида лойиҳалаштиришга ихтисослашган), “Iste'mol madaniyati gazetasi tahririyati” (ноширлик фаолиятига ихтисослашган), Паркент туманида “Protect Consumer” (наслдор чорва моллари боқиш ва кўпайтиришга ихтисослашган), Бўстонлиқ туманида “Bo`stonliq Protect Consumers” (қуёнчиликка ихтисослашган), Сариосиё туманида “Surxon Protect Consumers” (наслдор эчкичиликка ихтисослашган) масъулияти чекланган жамиятлари фаолияти йўлга қўйилди.
Мазкур тадбиркорлик тузилмаларида бугунги кунда 60 дан ортиқ ишчи ўрни яратилган. Айни пайтда уларда 40 нафарга яқин ходим меҳнат қилмоқда.
Бундай ташаббуслар бир томондан “барча муаммоларга ечим топиш давлат зиммасида” қабилидаги нотўғри қараш шаклланишининг олдини олса, бошқа томондан фуқаролик институтларининг давлат ҳокимияти органлари фаолиятига таъсир этиш имкониятини кенгайтиради.
Федерация ижтимоий шериклик субъекти сифатида жорий йилда ҳам давлат ва хўжалик бошқаруви органлари, тадбиркорлик субъектлари билан ҳамкорликда бир қатор ижтимоий аҳамиятга эга лойиҳаларни амалга оширишни режалаштирган, дейилади федерация ахборот хизмати хабарида.
