Фильм режиссёри Акбар Бектурдиев. Таъкидланишича, у тайёрлаган лойиҳа агентлик бадиий кенгаши томонидан иккинчи муҳокамада маъқулланган. Биринчи гал муаллифга сценарийни бойитишни маслаҳат беришган. Картина Япония элчихонаси билан ҳамкорликда суратга олинади.
Хабар қилинишича, фильм ҳақиқий воқеаларга асосланган бўлади: 1945 йил кузида Совет ҳукумати буйруғи билан асирга тушган минглаб япон аскарлари мамлакатнинг чекка ҳудудларига, хусусан, 25 мингга яқини Ўзбекистонга юборилган. Улар Тошкент шаҳри ва вилоятларда кўплаб иншоотларни қуришда фаол иштирок этган.
Маълумки, япон ҳарбий асирлари Алишер Навоий номидаги Ўзбекистон Давлат академик катта театри биноси қурилишида қатнашган.
